Ажилгүйдэл, ядуурал

“Монголд тэгш хамруулах боловсролын тогтолцоог бэхжүүлэх нь” төсөл

LEADAA — Fri, 01 Jan 2021 08:53:42 +0000

“Монголд тэгш хамруулах боловсролын тогтолцоог бэхжүүлэх нь” төсөл LEADAA Fri, 01/01/2021 - 09:53

Төслийн зорилго: Монголд тэгш хамруулах боловсролын тогтолцоог бэхжүүлэх.

2019 оны ажилгүйдэл, ядуурлыг бууруулах баг олон нийтэд, тэр дундаа ЕБС-ын сургуулийн багш нар, эцэг эхчүүд, сурагчдад тэгш хамруулан сургах боловсролын талаар мэдлэг олгож, хандлагыг нь эергээр өөрчлөхийг зорьж байна. Чингэхийн тулд төслийн баг “Түгээмэл хөгжил” ТББ-тай хамтран нийгмийн сүлжээгээр тэгш хамруулан сургах боловсролын талаар аян өрнүүлж, бүтээлч видео контент, нийтлэл, телевизийн нэвтрүүлэг хийж олон нийтэд түгээнэ. Мөн нийслэлийн ЕБС-ын 500 багшийг хамарсан форум зохион байгуулж, тусгай хэрэгцээт хүүхэдтэй хэрхэн ажиллах талаар мэдлэг мэдээлэл түгээхээс гадна тэгш хамруулан сургах журмыг хэрэгжүүлэхэд багш нарт ямар асуудал тулгамдаж буйг судалж, үр дүнг нь нэгтгэн холбогдох төрийн байгууллагад уламжилна. Форумд оролцсон 500 багш сургуулийн бусад багш ажилчид, эцэг эх, хүүхдүүдэд тусгай хэрэгцээт боловсролын талаар зөв ойлголтыг түгээх элч нь болох юм.

Ажилгүйдэл, ядуурал

“Ажилд хүрэх зам” төсөл

LEADAA — Fri, 01 Jan 2021 07:51:23 +0000

“Ажилд хүрэх зам” төсөл LEADAA Fri, 01/01/2021 - 08:51

Төслийн зорилго: Нийгэмд буй ядуурал, ажилгүйдэл, тэгш бус байдлын цаад шалтгаануудыг танин мэдэх, эдгээрийн талаарх олон нийтийн ойлголтыг нэмэгдүүлэх “Ажилд хүрэх зам” баримтат киног бүтээж, олон нийтийн мэдээллийн хэрэгслүүдээр цацах зорилготой. Тус баримтат кино нь хөгжлийн бэрхшээлтэй хүүхэдтэй ээж, хөдөөнөөс малаа алдаад нүүж ирсэн айлын өрлөгчин охин, сонсголын бэрхшээлтэй залуу гэсэн 3 дүрийн ажилтай болж амьдралаа дээшлүүлэх гэсэн хүсэл тэмүүлэл, үүнд учирч буй саад бэрхшээлүүдийг харуулж, ядуурал, ажилгүйдлийн талаарх хэвшсэн өрөөсгөл ойлголтыг арилгахыг зорьжээ.

Хэрэгжүүлсэн ажлууд: Төслийн баг “Ажилд хүрэх зам” киног бүтээсэн бөгөөд уг кино нь англи хэл дээрх хадмал болон дохионы хэлний орчуулгатай. Тус кино нь 2017 оны 7-р сарын 28-нд Хаан Банкны театрт нээлтээ хийсэн бөгөөд, нээлтийн үеэр эдийн засагчид, судлаачид ажилгүйдэл, ядуурлын талаар хэлэлцүүлэг өрнүүлж асуудлуудыг тодорхойлж хэлэлцсэн юм.

Төслийн үр дүн: “Ажилд хүрэх зам” киног Монгол ТВ, Дорнод аймгийн телевиз, мөн сошиал медиагаар цацсан. Мөн “Оюу толгой” ХХК, Хэвлэлийн Хүрээлэнгийн дэргэдэх Сэтгүүлч дээд сургууль, Нийслэлийн хөдөлмөр эрхлэлтийн газар, Баянзүрх дүүргийн Хөдөлмөр, Халамжийн үйлчилгээний хэлтэс, Эргэх холбоо ТББ, Менежер Карьер Институт, Гүнгэрваа ХХК-ийн хүний нөөц, хамт олонд киног үзүүлж, хэлэлцүүлэг өрнүүлэв. Баримтат киноны дүрүүд болох хөгжлийн бэрхшээлтэй хүүхэдтэй, гоёл чимэглэлийн бүтээгдэхүүн урладаг ээж, сонсголын бэрхшээлтэй, сийлбэрч залуу нарын бичил бизнесийг брэнд болгон, фэйсбүүк хуудас хөгжүүлсэн. Мөн ээжийг гар урлалын сургалтуудад суулгаж, өрлөгчин охинд англи хэлний сургалтын төв болон дээд сургуульд суулгах эрх олж өгсөн.

Дэмжиж ажилласан байгууллага, ментор: Хаан Банк, “Хараат Бус Судалгааны Хүрээлэн” (IRIM), Эдийн засагч Доктор Д.Лхагвасүрэн, Мөнххада ХХК, Хэвлэлийн Хүрээлэнгийн дэргэдэх Сэтгүүлч дээд сургууль

LEAD Mongolia 2016 АНУ дахь солилцооны хөтөлбөрийн “Ажилгүйдэл, ядуурлыг бууруулах” багийн хамт олон

“Хэрэв ажил олгогчид бага зэрэг л сэтгэл гаргавал сонсголгүй иргэдэд тохирох олон арван ажлын байр бий”.

Ажилгүйдэл, ядуурал

"Бизнес эрхлэгч ээжүүд" төсөл

LEADAA — Fri, 01 Jan 2021 07:45:49 +0000

"Бизнес эрхлэгч ээжүүд" төсөл LEADAA Fri, 01/01/2021 - 08:45

Төслийн зорилго: Улаангом сумын хэмжээнд хөгжлийн бэрхшээлтэй хүүхдээ харан орлогогүй суугаа 400 гаруй эмэгтэйчүүд бий гэсэн судалгаа байдаг. Тэгвэл LEAD Mongolia 2017 АНУ дахь солилцооны хөтөлбөрийн Ажилгүйдэл, ядуурлыг бууруулах хоёр дахь баг тус судалгаан дээр үндэслэн, хөгжлийн бэрхшээлтэй хүүхэдтэй 15 ээжийг сонгон авч нарийн боовны бизнес эрхлэх боломжоор хангах, түүнтэйгээ уялдуулан хүүхдүүдэд нь зориулсан, тэдний нас бие, хөгжлийн бэрхшээлийг харгалзан үзсэн өдөр өнжүүлэх, хүүхэд хөгжлийн төв нээх зорилго бүхий төсөл юм.

Хэрэгжүүлсэн ажлууд: Төслийн хүрээнд эдгээр ээжүүдийг цаашид дэмжин ажиллах Увс аймгийн Нийгмийн халамжийн газрын ажилчид болон хөгжлийн бэрхшээлтэй иргэдтэй ажилладаг төрийн албан хаагчдад хоёр өдрийн хандлага өөрчлөх сургалт явуулжээ. Түүнчлэн сонгогдсон 15 ээжид нарийн боовны технологийн, санхүүгийн, хувь хүний хөгжлийн сургалтуудыг орсон юм. Улаангом сумын Засаг дарга төслийг дэмжин, цехийн үйл ажиллагаа явуулах байр хандивласан бөгөөд засах, тохижуулах зэрэг ажлуудыг гүйцэтгэж ашиглалтад оруулсан. Төслийн багийнхан орон нутгийн иргэдийн дунд зохион байгуулсан хөрөнгө босгох үйл ажиллагаанаас 2.2 сая, мөн GoFundMe (LEAD Mongolia: Mother Entrepreneurs Project) онлайн вебсайтыг ашиглан 730$ доллар тус тус босгосон.

Төслийн үр дүн: Төслийн үр дүнд Увс аймгийн Улаангом сумын 15 ээж ажлын байртай, нарийн боовны цех ажиллуулах мэдлэг, чадвартай болсон. Холбогдох төрийн албан хаагчид болон орон нутгийн иргэдийн хөгжлийн бэрхшээлтэй иргэдийн талаарх мэдлэг мэдээлэл сайжирсан. Мөн уг төслийн талаарх World Learning-ийн хийсэн видео 19 мянга гаруй хандалт авсан байна.

Дэмжиж ажилласан байгууллага: Увс аймгийн Улаангом сумын Засаг даргын тамгын газар

Ажилгүйдэл, ядуурал

“Лийд Бриж” төсөл

LEADAA — Fri, 01 Jan 2021 07:40:00 +0000

“Лийд Бриж” төсөл LEADAA Fri, 01/01/2021 - 08:40

Төслийн зорилго: LEAD Mongolia 2017 АНУ дахь солилцооны хөтөлбөрийн ажилгүйдэл, ядуурлыг бууруулах багийн санаачлан хэрэгжүүлсэн ЛИЙД БРИЖ төсөл нь зорилтот бүлгийн гарааны бизнесүүдийг үйл ажиллагаагаа явуулахад шаардлагатай сургалт, мэдээлэл болон шинэ боломжуудаар хангах зорилготой төсөл юм.

Хэрэгжүүлсэн ажлууд: Төслийн хүрээнд “Гарааны бизнесүүдэд зориулсан хурдасгуур хөтөлбөр”-ийн сонгон шалгаруулалтыг зарлаж хамгийн шилдэг, шинэлэг, нийгмийн зорилтот бүлгийн оролцоог хангасан доорх 3 бизнесийг шалгаруулсан.

Улаан Чулуутын хогийн цэгт үйл ажиллагаа явуулдаг “Оёдол, эко буйдангийн цех”
Хөгжлийн бэрхшээлтэй хүүхдүүдээ асардаг эцэг эхчүүдийн санаачилсан “Зөөлөн Тоглоом”
Өвөрхангай аймгийн “Хатаасан лууван”

Дээрх бизнесүүдэд “Хурдасгуур” — таван долоо хоногийн цогц сургалтыг хийсэн бөгөөд эдгээр бизнесийн үйл ажиллагаа болон бүтээгдэхүүнийг олон нийтэд таниулах арга хэмжээг зохион байгуулсан. Тус үйл ажиллагаа нь 2018 ны 3-р сарын 31-нд Startup Terminal дээр зохион байгуулагдсан бөгөөд үйл ажиллагааны үеэр сургалтад бүрэн, амжилттай сууж, өөрийн бизнесээ дараагийн түвшинд аваачихад бэлэн болсон багуудад гарааны санхүүжилт болох тус бүр 1 сая төгрөгийг олгосон юм.

Төслийн үр дүн: Төслийн сургалтад хамрагдсан гурван бизнес үйл ажиллагаа тэлэх, тогтвортой байлгах талаар мэдлэг мэдээлэл авсан бөгөөд энэ тухай “Эгэл Монгол Мөрөөдөл” баримтат киног бүтээж, олон нийтэд цацав. “Лийд Бриж” төслийн талаар Ийгл Ньюс ТВ мэдээ бэлтгэж, 3500 хүнд хүрсэн.

Дэмжиж ажилласан байгууллага: Startup Mongolia, Start-up Terminal, Бизнес эрхлэгч эмэгтэйчүүдийн төв, “Залуучуудын Хөдөлмөр эрхлэлтийг дэмжих төсөл”

LEAD Mongolia 2017 АНу дахь солилцооны хөтөлбөрийн “Ажилгүйдэл ядуурлыг бууруулах” багийн хамт олон болон “Лийд Бриж” төсөлд хамрагдсан оролцогчид

Ажилгүйдэл, ядуурал

“Ажил хийх гоё” төсөл

LEADAA — Fri, 01 Jan 2021 06:35:09 +0000

“Ажил хийх гоё” төсөл LEADAA Fri, 01/01/2021 - 07:35

Төслийн зорилго: 2018 оны ажилгүйдэл, ядуурлыг бууруулах багийнхан “Ажил хийх гоё” төслийнхөө хүрээнд “Дадлагын луужин” гурван долоо хоногийн эрчимжүүлсэн хөтөлбөр боловсруулж, Улаанбаатар хот, Архангай, Дорнод аймгийн 20–29 насны 20 залуусыг хамруулсан юм. Төслийн хүрээнд залуусыг амжилттай ажиллахад шаардагддаг ур чадвар олгох сургалтуудад хамруулахаас гадна, ажил олгогчдыг ч мөн үр дүнтэй дадлагын хөтөлбөр хэрэгжүүлж, шинэ залуу авьяаслаг залуусыг ажиллуулахад бэлтгэхийг зорьжээ.

Хэрэгжүүлсэн ажлууд: 21 хоногийн эрчимжүүлсэн сургалтад нийт 153 залуус өргөдөл илгээсэн бөгөөд, үүнээс 2-р шатанд тэнцсэн нийт 47 оролцогчидтой ярилцлага хийж 20 залуусыг сонгон авсан юм. Сургалтын эхний 6 хоногт ур чадвар хөгжүүлэх сургалтууд зохион байгуулагдсан бөгөөд үүнд: цагийн менежмент, харилцааны чадвар, өөрчлөлтийн менежмент, оролцоо болон мэргэжил дээшлүүлэх зэрэг сэдвүүд багтсан. Төсөлд шалгарсан залуус үлдсэн хоёр долоо хоногийн хугацаанд, ур чадвар хөгжүүлэх сургалтаас олж авсан мэдлэгээ ашиглан Юнител, Нетком, Монгол шуудан, Бийко, Ард шоп, Анрийд медиа зэрэг байгууллагуудад дадлагын ажлыг хийж гүйцэтгэсэн юм. Түүнчлэн “Ажил хийх гоё” төслийн 3 хэсгээс бүрдсэн 58 хуудас бүхий гарын авлагыг бэлтгэж, 2019 оны 7-р сарын 3-нд болсон төслийн хаалтын үеэр олон нийтэд танилцуулжээ.

Мөн түүнчлэн Архангай болон Дорнод аймгуудад ажил эрхлэлттэй холбоотой чухал сэдвүүдийн хүрээнд үйл ажиллагаа зохион байгуулж, хүрэлцэн ирсэн нийт 300 гаруй залууст хэрэгцээтэй мэдээллийг хуваалцжээ.

Төслийн үр дүн: Төслийн үр дүнд нийт 13 залуус сургалтаа амжилттай төгссөн бөгөөд хоёр нь ажилд орсон юм. Мөн төслийн баг Монголын Ажил Олгогч Эздийн Холбоотой Харилцан Ойлголцлын Санамж бичиг зурснаар төслийн явцад цуглуулан авсан материал болон гарын авлагыг гардуулан өгч, Монголын Ажил Олгогч Эздийн Холбоо цаашид үр дүнтэй дадлагын ажлыг зохион байгуулж “Ажил хийх гоё” төсөл үргэлжлэх боломжтой болов. Түүнчлэн “Ажил хийх гоё” төслийн дадлагын гарын авлагыг 200 хувь хэвлэж холбогдох байгууллага, хүмүүст тараасан.

Дэмжигч байгууллага: ХНХЯ, Баянгол дүүргийн хөдөлмөрийн хэлтэс, Нетком, Юнител, Монгол шуудан, Анрийд медиа, Ремо медиа, Улаанбаатар Фенсинг Клуб, Старт-Ап Монгол, Хөгжлийн шийдэл ТББ, Хөдөлмөр нийгэм хамгааллын судалгааны институт, МСS Академи, Монголын хүний нөөцийн академи, HUB Инновацийн Төв, M-Space.

Ажилгүйдэл, ядуурал